Илмий-амалий тадқиқотлар маркази

Марказ Ўзбекистон Республика­си Президентининг 2017 йил 16 августдаги «Ички ишлар органлари ходимла­рини тайёрлаш, қайта тайёрлаш ва малака­сини ошириш тизимини тубдан такомил­лаштириш чора-тадбирлари тўғрисида»ги қарори талаблари асосида ташкил этилган.

Марказнинг асосий мақсади Ўзбекистон Республикаси ички ишлар органлари фаолиятида мавжуд бўлган тизимли кам­чиликлар, муаммоларни бартараф этиш­га қаратилган таклиф ва тавсиялар ишлаб чиқиш ҳамда уларни амалиётга жорий этиш, илғор иш тажрибаларини омма­лаштириш, услубий кўмаклашиш орқали ҳуқуқбузарликлар профилактикаси ва жи­ноятчиликка қарши кураш фаолиятининг самарадорлигини оширишдир.

Марказнинг асосий вазифалари:

• ички ишлар органларининг ҳуқуқбузарликлар профилактикаси ва жино­ятчиликка қарши курашиш соҳасидаги фаолияти бўйича амалий тадқиқотлар ўтказиш, уларни такомиллаштириш юзасидан илмий асосланган таклиф ва тавсиялар ишлаб чиқиш ҳамда амалиёт­га жорий этиш;
• ички ишлар органларига ўта мурак­каб, вилоятлараро хусусиятга эга, республикада шов-шувга сабаб бўлган, шу жумладан, уюшган жиноий гуруҳлар ва уюшмалар томонидан содир этилган жи­ноятларни фош этиш ва тергов қилишда методик ёрдам кўрсатиш;
• тизимли равишда ҳуқуқбузарликлар профилактикаси ва жиноятчилик­ка қарши курашиш бўйича методик ва амалий қўлланмалар, тавсиялар ишлаб чиқиш, улардан ички ишлар органлари фаолиятида фойдаланилишини таъмин­лашдан иборат.

Марказ Ўзбекистон Республи­каси Президенти ва Ҳукумати ҳамда Ички ишлар вазирлигининг фармон ва қарорлари ижросини таъминлайди, ҳуқуқбузарликлар профилактикаси ва жиноятчиликка қарши курашиш сама­радорлигини оширишда кўмаклашади. Шунингдек, ички ишлар органларининг ҳуқуқбузарликлар профилактикаси ва жиноятчиликка қарши курашиш фаоли­ятидаги ишларнинг аҳволини ўрганиш учун ишчи комиссиялар ва эксперт гу­руҳлари ташкил этиб, мавжуд муаммо­ларни бевосита жойларга чиқиб ўргана­ди. Марказ томонидан ишлаб чиқилган таклиф ва тавсиялар ички ишлар органла­рининг ҳуқуқбузарликлар профилакти­каси ва жиноятчиликка қарши курашиш амалиётида жорий этилиши юзасидан ҳар чоракда бир марта мониторинг амал­га ошириб борилади.