Илмий-тадқиқот фаолиятини ташкил этиш бўлими 2017-йилда очилган.

      Бўлимнинг мақсади профессор-ўқитувчилар, докторантлар ва изланувчилар, курсант ва тингловчиларнинг илмий тадқиқот фаолиятини мувофиқлаштирилишини ташкил этишдан иборат.

      Бўлимнинг вазифалари:

- кафедралар, Олий таълимдан кейинги таълим факультети ва бошқа таркибий тузилмаларининг илмий тадқиқот фаолиятининг, шунингдек, илмий ва илмий-педагогик кадрлар тайёрлаш жараёнининг ташкил этилишини таъминлаш;

- долзарб аҳамиятга эга фундаментал, амалий ҳамда инновацион илмий тадқиқотлар ишларини ташкил этиш ва мувофиқлаштириш;

- курсантларнинг илмий тадқиқот фаолиятини ташкил этиш.

      Бўлим зиммасига юклатилган вазифаларни бажариш учун қуйидаги функцияларни амалга оширади:

- кафедра, факультет ва бошқа таркибий тузилмаларининг илмий тадқиқот фаолиятини назорат қилиш ва мувофиқлаштириш;

- долзарб аҳамиятга эга фундаментал, амалий ҳамда инновацион илмий тадқиқотлар мавзуларини белгилаш ва тадқиқ этишни ташкиллаштириш;

- кафедра, цикл ва факультетда илмий ва илмий-педагогик кадрлар тайёрлаш ишини мувофиқлаштириш;

- курсантларни илмий тадқиқот фаолиятига кенг жалб этиш чораларини кўриш;

- кафедраларда ўқитиладиган фанлар бўйича курсантлар илмий тўгараклари фаолиятини йўлга қўйиш, уларнинг ишлашини ташкил этиш ва мувофиқлаштириш;

- курсантлар ўртасида фан олимпиадаларини ташкил этиш ва ўтказишда иштирок этиш;

- Республика талабалар фан олимпиадалари учун курсантларни тайёрлашда иштирок этиш;

- халқаро, республика, умумакадемия, кафедра ва кафедралараро конференциялар, семинарлар ва давра суҳбатлари ўтказилишини ташкил этиш ва мувофиқлаштириш;

- Республикадаги турдош олий таълим муассасалари ва ташкилотлари билан илмий-тадқиқот соҳасидаги ҳамкорлик қилиш;

- кафедра ва таркибий тузилмаларнинг илмий-тадқиқот соҳасидаги ҳамкорлигини мувофиқлаштириш; илмий тадқиқотлар натижаларининг ички ишлар органлари, давлат ва нодавлат ташкилотлари фаолияти ҳамда таълим жараёнига татбиқ этилишини ташкил этиш ва унинг ҳисобини юритиш;

- докторлик диссертация мавзуларини шакллантириш ва тайёрланган докторлик диссертацияси ҳамда норматив-ҳуқуқий ҳужжат лойиҳаларини экспертизадан ўтказишда иштирок этиш;

- кафедраларнинг илмий тадқиқот фаолиятида илмий мактаблар йўналишларини белгилаш ва бу борада олиб борилаётган илмий тадқиқот натижаларини мувофиқлаштириш;

- олий таълим муассасасининг профессор-ўқитувчилари, доктарант ва мустақил изланувчилари, курсант ва тингловчиларини илмий анжуманларда иштирок этишга тавсия этиш.