Ушбу таркибий тузилманинг та­рихи Тошкент олий мактабида 1967 йил Ўқитишнинг техника воситалари ва алоқа бўлими ташкил қилиниши билан бошланган. Таълим муассасаси Академия мақомини олгач, бўлим қайтадан ташкил этилди ва жамоага Б.Латифхўжаев бошлиқ этиб тайинланди. 2004 йили бўлим ўқув техника воситалари бўлими деб номланди, унинг таркибига алоқа бўлинмаси ҳам ки­ритилди. 2017 йилда бўлим мультимедиа ва информацион технологиялар лаборатори­яси билан бирлаштирилиб, Ахборот техно­логиялари ва алоқа бўлими деб номланди.

 

Ўтган давр мобайнида бўлимни А.Коляко, Р.Тоштемиров, А.Ҳамидов, С.Асямов, Н.Сейтимбетов, Т.Бутунбаев бошқарди. Таълим муассасаси мод­дий-техника базаси замонавий техно­логия ва ускуналар билан жиҳозланди. Маъруза заллари ва машғулот хоналари ўқитишнинг илғор усулларига хизмат қи­лувчи қурилмалар билан таъминланди.

 

Ҳозирги пайтда бўлим таркибида алоқа ва ахборот технологиялари бўлин­малари фаолият юритмоқда. Бўлимнинг мақсади таълим ва илмий-тадқиқот жа­раёнига замонавий ахборот-педагогик технологияларни жорий этиш, ушбу жараёнларда техника воситаларидан унумли фойдаланиш ва алоқа тизимини таъминлаш ҳамда уларга техник хизмат кўрсатишдан иборат.

 

Бўлимнинг асосий вазифалари:

Академиянинг ахборот хавфсизли­гини таъминлаш; таълим муассасасини юқори сифат­ли техник воситалар билан жиҳозлаш; педагогик ишларни ахборот-таъ­лим воситалари ёрдамида қўллаб-қув­ватлаш; Академия расмий веб-сайти ҳамда ахборот-таълим порталини юритиш; радиоалоқа ва симли алоқа тизими­нинг узлуксиз ишлашини таъминлаш; профессор-ўқитувчилар томо­нидан нашр этилган адабиётларнинг электрон вариантларини интернет ре­сурслари орқали оммага тарқатишда кў­маклашиш; профессор-ўқитувчиларнинг ахбо­рот технологияларини қўллаш йўнали­шидаги педагогик тажрибаларини оши­ришда кўмаклашиш; шахсий таркиб учун хизмат ҳамда методик ва илмий-тадқиқот ишларида за­рур бўлган дастурлар фондини юритиш; доимий ва ўзгарувчан шахсий тар­кибнинг локал ҳамда глобал таълим ре­сурсларидан электрон тартибда фойда­ланишларини таъминлаш; Академия расмий веб-сайтининг дизайнини ишлаб чиқиш, дастурлаш ва техник жиҳатдан таъминлаб туриш; таълимга оид интернет-лойиҳалар яратиш, уларни техник жиҳатдан таъ­минлаб туриш ва юритиш; Академия локал тармоғига уланган компьютерларни созлашда кўмаклашиш; локал тармоққа уланган таркибий тузилмаларга ажратилган IP-манзиллар билан тегишли ишларни амалга ошириш; таълим жараёнидаги барча техник ускуналарнинг техник ҳолатини назорат қилиш; илғор ўқув-техника воситаларининг имкониятларини ўрганиш ва уларнинг амалда жорий этилишини ташкил этиш; маъруза залларида ўтказилаётган машғулотларда ўқув-техника воситала- ридан фойдаланишда методик ёрдам кўрсатиб боришдан иборат.