Диққат! Сайт синов режимида
Рус Ўзб O'z En

Илмий даражалар берувчи илмий кенгаш

      Илмий кенгаш Академиянинг доимий фаолият юритувчи олий коллегиал органи ҳисобланади.

      Илмий кенгаш қуйидаги вазифаларни амалга оширади:

замонавий педагогик технологиялардан фойдаланган ҳолда ички ишлар органлари учун малакали кадрларни тайёрлаш бўйича ўқув, методик, илмий ва бошқа фаолиятни самарали ташкил этиш;

давлат ва жамиятнинг олий маълумотли, малакали мутахассис кадрларга бўлган эҳтиёжини қондириш;

илмий ва илмий-педагогик кадрлар тайёрлаш, фундаментал, амалий тадқиқотлар ва инновация ишларининг илмий-техника дастурлари бўйича ишларни амалга ошириш;

курсант (тингловчилар)да ватанпарварлик, маънавий-маърифий ва маданий хислатларни шакллантириш.

      Илмий кенгашда қуйидаги масалалар кўриб чиқилади:

Кадрлар тайёрлаш миллий дастурига мувофиқ, давлат таълим стандартлари, фанларнинг намунавий ва ишчи ўқув дастурларини ҳамда уларнинг қатъий бажарилишини кўриб чиқиш;

амалиёт органлари таклифларини ҳисобга олган ҳолда мутахассислик йўналишлари таълим дастурларига ўзгартиш ва қўшимчалар киритиш;

педагог кадрларни қайта тайёрлаш ва уларнинг малакасини ошириш;

кафедраларнинг турдош олий таълим муассасалари билан ҳамкорлигини янада такомиллаштириш юзасидан илмий-методик кенгашлар таклифларини кўриб чиқиш ва бу йўналишда амалга оширилган ишлар ҳисоботларини эшитиш;

маънавий-маърифий, ўқув, услубий, тарбия ва илмий-тадқиқот ишларига оид тегишли норматив-ҳуқуқий ҳужжатларнинг лойиҳаларини кўриб чиқиш ва ушбу йўналишлар бўйича ҳисоботларни эшитиш;

кафедра, бўлим ва хизматларнинг фаолиятини кўриб чиқиш;

ички ишлар органлари ҳамда бошқа соҳаларнинг фаолиятини такомиллаштиришга доир мавзулар бўйича илмий техникавий дастурлар доирасида фундаментал, амалий ва инновация илмий тадқиқотлар лойиҳаларини бажарилишини кўриб чиқиш ва амалга оширишни назорат қилиш;

Вазирлар Маҳкамаси ҳузуридаги Олий аттестация комиссиясига профессор, доцент илмий унвонига тақдим этиш;

амалдаги қонунларни такомиллаштириш юзасидан ишлаб чиқилган қонун лойиҳаларини муҳокама қилиш.

      Илмий кенгаш таркиби Академия бошлиғининг буйруғи билан тасдиқланади. Академия бошлиғи ва ўринбосарлари, факултет, кафедра, бўлим, хизмат бошлиқлари лавозимига кўра Кенгаш таркибига киради. Илмий кенгаш таркибидан фаол илмий ва илмий-педагогик фаолият олиб борувчи, шу жумладан давлат илмий-техник дастурлари доирасида илмий-техник лойиҳаларни амалга оширишда қатнашувчи фан докторлари, бошқа жамоат ташкилотлари вакиллари ҳам жой олиши мумкин.

Нажмите на кнопку ниже, чтобы прослушать текст Powered by GSpeech