Молия-иқтисод бўлими

Мазкур таркибий тузилма та­рихи 1967 йили хўжалик бўли­ми таркибида уч кишидан иборат молия бўлинмаси ташкил қилинишидан бошлана­ди. 1980 йилда ушбу тузилма молия-режа­лаштириш бўлимига айлантирилди.

Бўлим 2004–2005 йилларда Молия- иқтисод бошқармаси сифатида фаоли­ят юритди. 2017 йилда у Молия-иқтисод бўлими мақомини олди ҳамда бош бух­галтер лавозими, иш ҳақини меъёрлаш ва иш ҳақи ҳисоб-китоб гуруҳи, моддий бойликлар ҳисоби гуруҳи, ҳисобот ва таҳлил гуруҳи ташкил этилди. Жамоага турли йилларда К.Резванова, Г.Раҳма­туллаев, Ю.Ҳожимуродов, О.Сиддиқов, Ю.Биркин, Ф.Галимов, И.Лямзенко, Т.Қа­юмова, М.Мирпўлатова, Н.Максютова раҳбарлик қилди.

Бўлимнинг асосий вазифалари:

• бухгалтерия ҳисобини тегишли нор­матив-ҳуқуқий ҳужжатларга асосан юри­тиш ва назорат қилиш;
• бюджет маблағларидан самарали фойдаланишни таъминлаш ва назорат қилиш;
• харажатлар сметасини ишлаб чиқиш, бажариш, пул маблағларидан оқилона фойдаланиш ва тежаб сарфла­нишини таъминлаш;
• смета ижроси жараёнида вужудга келадиган юридик ва жисмоний шахслар билан олиб бориладиган ҳисоб-ки­тобларни ўз вақтида амалга ошириш;
• доимий ва ўзгарувчан таркибнинг иш ҳақлари ва унга тенглаштирилган тўловларини, ойлик ва стипендиялари­ни белгиланган тартибда ҳамда ўз вақти­да ҳисоблаб чиқиш;
• хизмат сафари ва бошқа харажат­ларни ҳисоблаш, тўлаш;
• молиявий-иқтисодий ва ҳисоб-ки­тоб фаолиятини таҳлил қилиб бориш;
• пул маблағлари, ҳисоб-китоблар ва моддий қимматликлар, бошқа активлар ҳамда мажбуриятларни инвентаризация қилишдан иборат.