YOSHLARDA SOG‘LOM MAFKURA VA VATANPARVARLIK TUYG‘USINI SHAKLLANTIRISH terrorizmga qarshi profilaktikaning muhim omili
Bugungi kunda terrorizm va ekstremizm umumbashariy muammoga aylandi. Ushbu global tahdidlarga qarshi kurashish borasida dunyo miqyosida keng ko‘lamli tadbirlar amalga oshirilayotganiga qaramay, mazkur muammoga hali to‘liq yechim topilgani yo‘q. Davlatimiz rahbari bu haqda to‘xtalib, «dunyoda terrorizm tahdidlari, ayniqsa, so‘nggi yillarda kuchayib borayotgani ularga qarshi, asosan, kuch ishlatish yo‘li bilan kurashish usuli o‘zini oqlamayotganidan dalolat beradi. Bu borada ko‘p hollarda tahdidlarni keltirib chiqarayotgan asosiy sabablar bilan emas, balki ularning oqibatlariga qarshi kurashish bilangina cheklanib qolinmoqda», deya ta’kidlagan edi.
