Diqqat! Sayt sinov rejimida

Ilmiy darajalar beruvchi ilmiy kengash

      Ilmiy kengash Akademiyaning doimiy faoliyat yurituvchi oliy kollegial organi hisoblanadi.

      Ilmiy kengash quyidagi vazifalarni amalga oshiradi:

zamonaviy pedagogik texnologiyalardan foydalangan holda ichki ishlar organlari uchun malakali kadrlarni tayyorlash bo‘yicha o‘quv, metodik, ilmiy va boshqa faoliyatni samarali tashkil etish;

shaxsning intellektual, madaniy va ma’naviy-axloqiy ehtiyojlarini ta’lim olish orqali qondirish, davlat va jamiyatning oliy ma’lumotli, malakali mutaxassis kadrlarga bo‘lgan ehtiyojini qondirish;

ilmiy va ilmiy-pedagogik kadrlar tayyorlash, fundamental, amaliy tadqiqotlar va innovatsiya ishlarining ilmiy-texnika dasturlari bo‘yicha ishlarni amalga oshirish;

kursant (tinglovchilar)da vatanparvarlik, ma’naviy-ma’rifiy va madaniy xislatlarni shakllantirish.

Ilmiy kengashda quyidagi masalalar ko‘rib chiqiladi:

Kadrlar tayyorlash Milliy dasturiga muvofiq, davlat ta’lim standartlari, fanlarning namunaviy va ishchi o‘quv dasturlarini hamda ularning qat’iy bajarilishini ko‘rib chiqish;

amaliyot organlari takliflarini hisobga olgan holda mutaxassislik yo‘nalishlari ta’lim dasturlariga o‘zgartish va qo‘shimchalar kiritish;

pedagog kadrlarni qayta tayyorlash va ularning malakasini oshirish;

kafedralarning turdosh oliy ta’lim muassasalari bilan hamkorligini yanada takomillashtirish yuzasidan ilmiy-metodik kengashlar takliflarini ko‘rib chiqish va bu yo‘nalishda amalga oshirilgan ishlar hisobotlarini eshitish;

ma’naviy-ma’rifiy, o‘quv, uslubiy, tarbiya va ilmiy-tadqiqot ishlariga oid tegishli normativ-huquqiy hujjatlarning loyihalarini ko‘rib chiqish va ushbu yo‘nalishlar bo‘yicha hisobotlarni eshitish;

kafedra, bo‘lim va xizmatlarning faoliyatini ko‘rib chiqish;

ichki ishlar organlari hamda boshqa sohalarning faoliyatini takomillashtirishga doir mavzular bo‘yicha ilmiy texnikaviy dasturlar doirasida fundamental, amaliy va innovatsiya ilmiy tadqiqotlar loyihalarini bajarilishini ko‘rib chiqish va amalga oshirishni nazorat qilish;

Vazirlar Mahkamasi huzuridagi Oliy attestatsiya komissiyasiga professor, dotsent ilmiy unvoniga taqdim etish;

amaldagi qonunlarni takomillashtirish yuzasidan ishlab chiqilgan qonun loyihalarini muhokama qilish.

       Ilmiy kengash tarkibi Akademiya boshlig‘ining buyrug‘i bilan tasdiqlanadi. Akademiya boshlig‘i va o‘rinbosarlari, fakultet, kafedra, bo‘lim, xizmat boshliqlari lavozimiga ko‘ra Kengash tarkibiga kiradi. Ilmiy kengash tarkibidan faol ilmiy va ilmiy-pedagogik faoliyat olib boruvchi, shu jumladan davlat ilmiy-texnik dasturlari doirasida ilmiy-texnik loyihalarni amalga oshirishda qatnashuvchi fan doktorlari, boshqa jamoat tashkilotlari vakillari ham joy olishi mumkin.

Нажмите на кнопку ниже, чтобы прослушать текст Powered by GSpeech