O'z Ўз Ру En
×

Jinoyat va jinoyat-ijroiya huquqi kafedrasi

1974 yili Toshkent oliy maktabida jinoyat huquqi va protsessi kafedrasi tashkil etilgan. 1993 yilda ushbu kafedra tarkibidan jinoyat huquqi kafedrasi ajralib chiqqan.

Shu yillar mobaynida jamoani yuridik fanlar nomzodi, dotsent A.Mixaylyans, yuridik fanlar nomzodi, dotsent M.Xomenker, yuridik fanlar nomzodi, dotsent V.Bikov boshqargan.

2017 yili jinoyat huquqi kafedrasi negizida jinoyat va jinoyat-ijroiya huquqi kafedrasi tashkil etildi. Huquqni muhofaza qiluvchi organlar uchun yetuk kadrlar tayyorlab kelayotgan kafedrada kursant va tinglovchilarga «Jinoyat huquqi», «Jinoyat-ijroiya huquqi», «Jinoyatchilikka qarshi kurash siyosati va uning ichki ishlar organlari faoliyatida amalga oshirilishi», «Ichki ishlar organlarining jazolar ijrosini ta’minlash faoliyati» fanlaridan saboq beriladi. Kafedrada ilmiy tadqiqot ishlarini yanada takomillashtirishga alohida e’tibor qaratildi. Natijada o‘nlab yosh tadqiqotchi va mustaqil izlanuvchilar jinoyat-ijroiya huquqining dolzarb masalalariga bag‘ishlangan dissertatsiyalarni muvaffaqiyatli himoya qilishdi. Jamoada ustoz- shogird an’anasi juda yaxshi yo‘lga qo‘yilgan bo‘lib, buning samarasi kafedraning yosh tadqiqotchi-olimlari tomonidan olib borilayotgan ilmiy izlanishlarda o‘z aksini topmoqda. Kafedra qoshida tashkil etilgan to‘garak ko‘plab iqtidorli kursantlarni birlashtirgan. Respublika miqyosida o‘tkaziladigan turli ko‘rik- tanlovlar, bilimlar bellashuviga nomzodlar ham aynan shu yerda saralanadi. Keyingi yillarda kafedra jamoasi tomonidan «Jinoyat huquqi» (Umumiy va Maxsus qismlar), «Jinoyatlarni kvalifikatsiya qilish» darsliklari, monografiya va o‘quv qo‘llanmalari nashr etildi. Jamoaga yuridik fanlar doktori, professor A.Yakubov, yuridik fanlar doktori, professor R.Kabulov, yuridik fanlar nomzodi, dotsent A.Otajonov hamda D.Payziyevlar boshchilik qilgan.

Belgilangan matnni tinglash uchun quyidagi tugmani bosing Powered by GSpeech