Фойдали ҳаволалар
-
- ЎЗБЕКИСТОН РЕСПУБЛИКАСИ ҲУКУМАТ ПОРТАЛИ
-
- ЎЗБЕКИСТОН РЕСПУБЛИКАСИ ПРЕЗИДЕНТИНИНГ МАТБУОТ ХИЗМАТИ
-
- ЯГОНА ИНТЕРАКТИВ ДАВЛАТ ХИЗМАТЛАРИ ПОРТАЛИ
-
- ҚОНУН ҲУЖЖАТЛАРИ МАЪЛУМОТЛАРИ МИЛЛИЙ БАЗАСИ
-
- ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИ
-
- ЮРИДИК ПСИХОЛОГИЯ
Сўровлар
-
Loading ... -
Loading ...
Ички ишлар вазирлиги Академияси бошлиғи, генерал-лейтенант Б.А. Матлюбов томонидан тайёрланган «Профилактика инспектори – халқ хизматчиси» ҳамда «Профилактика инспектори – халқ эътиборида» номли қўлланмаларнинг тақдимоти
2018 йил 28 июнь куни Ички ишлар вазирлиги Академиясида Академия бошлиғи генерал-лейтенант Б.А. Матлюбов томонидан тайёрланган «Профилактика инспектори – халқ хизматчиси» ҳамда «Профилактика инспектори – халқ эътиборида» номли қўлланмаларнинг тақдимоти бўлиб ўтди.
Тадбирда ИИВ Академияси профессор-ўқитувчилари, Тошкент шаҳар ИИББ профилактика инспекторлари, Ёшлар иттифоқи бошланғич ташкилоти аъзолари ҳамда Касбий тайёргарлик факультети тингловчилари иштирок этдилар.
Тақдимотда сўзга чиққанлар Ўзбекистон Республикаси Ички ишлар вазирлиги Академиясининг бошлиғи генерал-лейтенант Баҳодир Аҳмедович Матлюбов томонидан тайёрланган ушбу қўлланмаларда профилактика инспекторлари зиммасига юклатилган вазифаларни самарали бажаришлари, қонун ҳужжатларида белгиланган мажбурият ва ҳуқуқларни оғишмай, тўлиқ ва мукаммал амалга оширишлари учун қандай талабларни бажаришлари ва қоидаларга қатъий риоя этишлари миллий қадриятларимиз ҳамда норматив-ҳуқуқий ҳужжатларга асосланган ҳолда ёритилганлигини таъкидладилар.
Жумладан, муаллиф «Профилактика инспектори – халқ хизматчиси» номли ўқув-амалий қўлланмасида ички ишлар органлари ҳуқуқбузарликлар профилактикаси, хусусан, профилактика инспекторлари институтининг фаолиятини такомиллаштириш бўйича давлат сиёсатининг мазмун-моҳиятини чуқур ва комплекс таҳлил асосида ёритганлигини айтиб ўтди.
Шунингдек, муаллиф томонидан «Профилактика инспектори – халқ эътиборида» номли ўқув қўлланмасида эса профилактика инспекторлари доимо халқ ишончини қозониши ва унинг эътиборида бўлиши учун қандай фазилатларга эга бўлиши ва қандай талабларга жавоб бериши ҳамда ўз фаолиятини қандай амалга ошириши зарурлиги ҳар томонлама чуқур таҳлиллар асосида ёритилганлиги тўғрисида маълумотлар берилди.
Тадбирда сўзга чиққанлар томонидан муаллиф мазкур қўлланмаларни тайёрлашда Ўзбекистон Республикаси Президенти Шавкат Мирзиёевнинг профилактика инспектори фаолиятини ташкил этиш самарадорлигини ошириш соҳасида белгилаб берган вазифаларни, уларнинг ижросини таъминлаш бўйича мамлакатнинг барча ҳудудларида амалга оширилаётган комплекс чора-тадбирларни, ички ишлар органлари тизимида туб ислоҳотларни олиб боришдаги муаммоларни чуқур таҳлил қилиш натижаларига асосланганлиги эътироф этилди.
Тадбир сўнгида Академия профессор-ўқитувчилари ҳамда профилактика инспекторлари сўзга чиқиб, мазкур қўлланмалар юзасидан ўз фикр – мулоҳазаларини билдирдилар. Хусусан, тадбир қатнашчилари ушбу қўлланмалар профилактика инспекторлари фаолиятида дастурил амал бўлиб хизмат қилишини таъкидлаб ўтдилар. Соҳада олиб борилаётган ислоҳотларнинг замирида аввало халқ фаровонлиги ва инсон манфаати устувор эканлиги ҳақида сўз юритилиб, тадбирга якун ясалди.
Тақдимот кўтаринки руҳда ўтди.
