Катта илмий-ходимлар-изланувчилар Институти

Катта илмий ходимлар-изланувчилар Институтига қуйидаги ихтисосликлар бўйича қабул қилинади:

12.00.01 – Давлат ва ҳуқуқ назарияси ва тарихи, ҳуқуқий таълимотлар тарихи;
12.00.02 – Конституциявий ҳуқуқ, маъмурий ҳуқуқ, молия ва божхона ҳуқуқи;
12.00.03 – Фуқаролик ҳуқуқи, тадбиркорлик ҳуқуқи, оила ҳуқуқи, халқаро хусусий ҳуқуқ;
12.00.08 – Жиноят ҳуқуқи, ҳуқуқбузарликларнинг олдини олиш, криминология, жиноят-ижроия ҳуқуқи;
12.00.09 – Жиноят процесси, криминалистика, тезкор-қидирув ҳуқуқ ва суд экспертизаси.

ИИВ Академияси катта илмий ходимлар-изланувчилар институтига катта илмий ходимлар-изланувчилар сифатида қабул қилинадиган шахслар (шаҳодатланган ходимлар таркибидан) қуйидаги талабларга жавоб бериши керак:
— камида икки йиллик илмий ёки илмий-педагогик иш стажига эга бўлиш;
— олий таълим муассасаси магистратураси дипломига ёки унга тенг бўлган Ўзбекистон Республикаси ИИВ Академияси дипломига ёхуд фан номзоди илмий даражасига ёки магистр даражаси жорий этилгунга қадар олинган олий маълумот тўғрисидаги дипломга эга бўлиш;
— илмий изланишлар ва илмий-педагогик фаолият билан шуғулланиш лаёқатига эга бўлиш;
— муайян илмий натижаларга эришган, шу жумладан, илмий журналлар ва нашрларда чоп этилган камида учта илмий мақолага ва илмий-амалий конференциялар, семинарлар ва давра суҳбатлари тўпламларида фан доктори илмий даражаси олиш учун диссертация тадқиқоти асосини ташкил қилиши мумкин бўлган иккита тезисга эга бўлиш;
— хорижий тилни магистратура битирувчисининг тегишли даражасида билиш;
— замонавий ахборот-коммуникация технологияларидан, шу жумладан, интернетдан фойдалана олиш.

Катта илмий ходимлар-изланувчилар институтида ўқиш истагида бўлган ходим, танлаган илмий ихтисослигини кўрсатиб, ИИВ Академияси бошлиғи номига қуйидаги ҳужжатларни илова қилган ҳолда билдирги билан мурожаат этади:
— ходимни ҳисобга олиш шахсий варақаси ва таржимаи ҳол;
— олий таълим муассасаси магистратураси дипломи ёки унга тенглаштирилган Ўзбекистон Республикаси Ички ишлар вазирлиги Академияси дипломи ёхуд фан номзоди дипломи ёки магистр академик даражаси жорий этилгунга қадар олинган олий маълумот тўғрисидаги диплом нусхаси;
— хизмат фаолияти бўйича маълумотнома (объективка);
— тадқиқот мавзуси бўйича илмий маъруза ва докторлик диссертацияси режасининг кенгайтирилган лойиҳаси;
— илмий журналлар ва нашрларда эълон қилинган илмий мақолалар (камида учта), илмий ва илмий-амалий конференциялар, семинарлар ва давра суҳбатлари тўпламлари ва тегишли илмий йўналишлар бўйича бошқа илмий ишлар тўпламларига киритилган фан доктори илмий даражасини олиш учун диссертация тадқиқотининг асосини ташкил этиши мумкин бўлган тезислар (камида иккита) рўйхати, шунингдек уларнинг нусхалари;
— иш жойидан берилган тавсифнома-тавсиянома;
— талабгорнинг илмий ва илмий-педагогик фаолиятга лаёқатини аниқлаш юзасидан ўтказилган тест синовидан ўтганлигини тасдиқловчи ОАК ҳужжатининг нусхаси;
— етакчи олимлардан бирининг унинг илмий консультант сифатида белгиланиши юзасидан ИИВ Академияси бошлиғига берган ёзма розилиги;
— 4х6 см. ўлчамдаги иккита рангли фотосурат.
Ўзбекистон Республикаси Президенти давлат стипендияси соҳиблари тегишли ҳужжат нусхасини тақдим этадилар.

Катта илмий ходимлар-изланувчилар институтига кирувчилар мутахассислик, Ўзбекистон тарихи, фаннинг билиш назарияси ва методологияси ва чет тили (таълимнинг олдинги даражаларида ўрганилган хорижий тил бўйича) бўйича кириш имтиҳонларини топширадилар.

Кириш имтиҳонлари 1 декабрдан 20 декабргача ўтказилади.

Фаннинг тегишли йўналиши бўйича фан номзоди илмий даражасига эга бўлган талабгорлар кириш имтиҳонларини топширишдан озод қилинадилар.

ИИВ Академиясида мустақил изланувчилар сифатида расмийлаштириладиган шахслар қуйидаги талабларга мувофиқ бўлиши керак:
— камида беш йиллик амалий иш стажига эга бўлиш;
— бакалавр ёки магистр дипломига ёхуд Ўзбекистон Республикаси Ички ишлар вазирлиги Академияси дипломига ёхуд фан номзоди илмий даражасига ёки магистр даражаси жорий этилгунга қадар олинган олий маълумот тўғрисидаги дипломга эга бўлиш;
— илмий изланишлар ва илмий-педагогик фаолият билан шуғулланиш лаёқатига эга бўлиш;
— муайян илмий ютуқларга, фан доктори даражасини олиш учун диссертация тадқиқоти асосини ташкил этиши мумкин бўлган илмий журналлар ва нашрларда чоп этилган камида учта илмий мақолага, илмий, илмий-амалий конференциялар, семинарлар ва давра суҳбатлари тўпламларида, тегишли илмий йўналишлар бўйича илмий ишлар тўпламларида камида иккита тезисга эга бўлиш;
— хорижий тилни магистратура битирувчисининг тегишли даражасида билиш;
— замонавий ахборот-коммуникация технологияларидан, шу жумладан, интернетдан фойдалана олиш.

Мустақил изланувчиликка талабгор танлаган илмий ихтисослигини кўрсатиб, қуйидаги ҳужжатларни илова қилган ҳолда, ИИВ Академияси бошлиғи номига билдирги билан мурожаат этиши лозим:
— иш жойидан тавсифнома;
— ходимларни ҳисобга олиш шахсий варақаси ва таржимаи ҳол;
— хизмат фаолияти бўйича маълумотнома (объективка);
— олий таълим ёки фан номзоди тўғрисидаги дипломнинг нусхаси;
— талабгорнинг илмий ва илмий-тадқиқот фаолиятига лаёқати юзасидан тест синовидан ўтганлигини тасдиқловчи ОАК ҳужжатининг нусхаси;
— илмий ишлар ва илмий ҳисоботлар (патентлар) рўйхати.
Талабгорлар мустақил изланувчиликка ҳар йили 25 декабргача, мутахассислик бўйича суҳбат ва таълимнинг ўрганилган олдинги даражасида чет тили фанидан имтиҳон натижалари ҳамда тегишли кафедранинг хулосалари асосида ИИВ Академияси бошлиғининг буйруғи билан расмийлаштирилади.
Номзод ички ишлар идораларидан тавсия этилаётган бўлса, юқорида қайд этилган ҳужжатлар ички ишлар бошқармаси бошлиғи ёки унинг (шахсий таркиб билан ишлаш бўйича) ўринбосарининг ИИВ Академияси бошлиғи номига ёзилган йўлланма хати билан юборилиши лозим.
Ҳужжатлар 2013 йилнинг 15 октябридан 15 ноябрига қадар қабул қилинади.

Маълумот учун телефон: 265–23–59